मला तूला भेटायचय

आठवणींच्या गलक्यात
शब्दांचा कल्लोळ
डोळ्यात अश्रू आले तरी
हसावं की रडावं हा अंतरीक घोळ

येणार्या प्रत्येक क्षणात
होणारा तूझा भास अभास
हृदयात बोचतोय
प्रत्येक श्वास न् श्वास
मर्मबंधातल्या गाठी सोडवतांना
लढतो मी स्वतःशीच
आता लढून खूप थकलोय
आणि उरलोय केवळ
तूझी कूस मिळण्यासाठीच...
अंतःकरणा पासून विचारतोय
आपण भेटूयात पून्हा एकवेळ?
निदान संपेल तरी हा आठवणींचा खेळ!

थोडक्यात --
मला तूला भेटायचय!!!

- प्रवर्तक पाठक