Monday, October 09, 2017

विनंती वरूणराजाला

नको रे नको रे
असा थैमान घालू
पहील्या सरीच्या
मृदगंध आठवांना
नको रे विरझण लावू

आभाळीच रे बरा तू
नको डोळ्यात येवू
रानात बहरलेल्या
शेतीतल्या रोपट्याचा
नको रे घोट घेवू

भरपूर तू दिलेस आम्हा
नकोसे उसासे घालू
दसरा दिवाळीतल्या
मनमंदीरी दिपज्योतींना
नको रे निर्दयी विझवू

करीन रे प्रतिक्षा पुन्हा
मृग नक्षत्री पुनरागमनाची 
करतो अलविदा
ओल्या काळजाने
नको रे पुन्हा थैमान घालू....