Thursday, July 05, 2018

ओल्या आठवांचा नभी गुंफला पुंजका
हिरवळ दाटूनी मनी वाहतो निर्मळ झरा...

नटूनी थटूनी निसर्गोत्सव हा साजरा
उल्हासित वारा शिंपडी दवांचा ताटवा..

क्षण स्तब्ध होता काळ चहूदिशा दवडला
पायवाटेवरी तूझा अनाहूत सुंगध दरवळला...

हिरव्यागच्च रानात तूलाही असेच होते का?
मृदगंधी आठवांनी नयनी थेंब ढळतो का?

तूझे माझे जग वेगळे, आभाळ सारखे आहे ना?
उधळत्या सुर्य रथात स्वार होवूनी ये ना...