Monday, April 03, 2017

झळा

झळाळलं अवकाश
आगडोंबी सूर्यनारायण
तळपती शूभ्र-किरणे
अच्छादली माथ्यावर

चकाकला थेंब
प्रतिबींब सामावलं
शहारलं माझं शरीर
घाम टिपतो रूमाल

तहान ओठांत-घशात,
आक्रंदते ओटी पोट
उडत होता गरूड,
छाटित गेला ममभान

धस्स झालं काळजात
सावलीच्या शोधात
चैत्रातली पालवी मज
दखवील का वैशाख?

देवा शपथ सांगतो
लावीन एकतरी झाड
टिपाया सूर्य देव
घेइन नांगर हातात

चांदण्याचं आभाळ
परी प्रीय हा पाऊस
ये रं ये रं तू पावसा
सुगंध मातीचा लेवून


  • प्रवर्तक